Harqalay, «tosh» deganlarida jon bor. Protsessor joni haqiqatan toshdek qattiq. U bor kuchi bilan tinimsiz ishlay oladi. Faqat bir shart bilan - sovutish tizimi ishlashi lozim. Agar yetarlicha sovutib turilmasa, protsessor qizibketgani tufayli ishdan chiqishi mumkin. Boshqa sabablar bilan protsessor ishdan chiqmaydi, to‘g‘ri, kimdadirsinab ko‘rish uchun bolg‘a bilan urib qolish fikri tug‘ilmasa, albatta.Lekin, agar protsessor qizib ketganligi tufayli ishdan chiqsa, uni tuzatib bo‘lmaydi. Ana shunday qaysar qurilma – yo bor kuchi bilan ishlaydi, yo umuman ishlamaydi. Ta'mirlash, ichidagi trazistorlarini almashtirish umuman ilojsizdir. Shu sababli kompyuterlarda xavfsizlik tizimi o‘rnatilgan bo‘lib, protsessorning harorati belgilangan nuqtadan oshib ketadigan bo‘lsa, ular avtomatik ravishda kompyuterni elektr tokidan uzib qo‘yadi. Bunday favqulodda o‘chirish to‘satdan ro‘yberadi, oldindan ogohlantirishlar bo‘lmaydi. Protsessor ishchi haroratga tushmagunicha, kompyuterni qayta yoqib bo‘lmaydi. Agar kompyuter protsessor qizib ketgani tufayli tez-tez o‘chib qolayotgan bo‘lsa, sovutish tizimiga protsessorning ishchi haroratini ushlab turishga halaqit berayotgan changdan tozalash uchun ustaga ko‘rsatish kerak.
Manba: Nuriston.lark.ru
|